Cá háit a bhfuil tú ag iarraidh dul?
Is maith le páistí bheith ag súgradh le bréagáin. Tá cuid mhór bréagán difriúil ann.
Cad é an bréagán is fearr leatsa?
Bloic Adhmaid
Is féidir leat rudaí a thógáil le bloic adhmaid – túr, caisleán, bóthar, nó balla, mar shampla.

In amanna, bíonn litreacha nó uimhreacha scríofa orthu agus is féidir leat focail a dhéanamh nó suimeanna a oibriú amach leo.

Cad é an rud is fearr leatsa a thógáil le bloic adhmaid?
Lego
Is bloic bheaga phlaisteacha iad na píosaí Lego. Is féidir leat cuid mhór rudaí éagsúla a thógáil leo – carr, bád, feirm, teach nó dineasár, mar shampla.
(pic le Cloudy Design /Shutterstock.com)
Ná déan dearmad iad uilig a ghlanadh den urlár nuair a bhíonn tú réidh leo – níor mhaith leat seasamh ar cheann acu agus tú cosnochta!

Cad é an rud is fearr leatsa a thógáil le Lego?
Bábóga
Tá daoine ag súgradh le bábóga le fada fada an lá. Tá bábóga éagsúla ann – bábóga beaga atá cosúil le babaí, bábóga móra atá ábalta siúl, bábóga atá cosúil le cailíní agus bábóga eile atá cosúil le buachaillí.
(pic le MisterStock/Shutterstock.com)
Is féidir leat bábóg a fháil a théann chuig an leithreas fiú, nó, a bhíonn ag caoineadh agus ag ithe!

An bhfuil bábóg agat? Cad é an t-ainm atá ar do bhábóg?
Carranna
Is mór an spraoi is féidir a bheith agat le bréag-charranna beaga. Is féidir leat garáiste a fháil ina bhfuil urláir éagsúla, nó, rás a bheith agat in éadan do chairde leo. Thig leat bóthar a chruthú agus spraoi a bheith agat ag súgradh leis na carranna air.
(pic le Anita Eka Permatawaty / Shutterstock.com)
Tá carranna cianrialaithe ann fosta. Úsáideann tú cianrialtán lena mbogadh thart.
(bréag-charr agus cianrialtán)
Cad é an cineál bréag-chairr is fearr leat?
Teidithe
Tá réimse leathan teidithe ann – ainmhithe cosúil le béir, madaí agus cait, nó, fiú carachtair ón chartún is fearr leat!
(pic le DJSully / Shutterstock.com)
Is maith le cuid páistí an teidí speisialta s'acu a thabhairt chun na leapa leo gach oíche. Tá sé deas barróg a thabhairt do do theidí nuair a bhíonn tú brónach nó tuirseach.

An bhfuil teidí speisialta agat? Cad é an t-ainm atá ar do theidí?
Táibléid agus Ríomhairí
Bíonn cuid mhór páistí ag súgradh ar tháibléid na laethanta seo. Baineann páistí sult as cluichí éagsúla a imirt orthu.

Tá cluichí ann a chuidíonn linn litreacha, uimhreacha, dathanna agus cruthanna a fhoghlaim, chomh maith le cluichí nach bhfuil iontu ach spraoi!

Ar ndóigh, níl sé maith dúinn barraíocht ama a chaitheamh ag amharc ar scáileáin, ach is féidir an-sult a bhaint astu anois agus arís.
(Ná caith barraíocht ama ag amharc ar scáileán.)
Liathróidí
Níl deireadh leis na cluichí is féidir leat a imirt le liathróid. Bíonn cineálacha éagsúla liathróidí ann do chluichí éagsúla – peil, iomáint, camógaíocht, sacar, cispheil, líonpheil agus leadóg, mar shampla.

Is féidir leat liathróid a úsáid le do chluiche féin a chruthú. Thig leat í a chaitheamh chuig do chairde, nó, in éadan balla. Is féidir leat liathróid a chiceáil thart ar chóin, nó, chuig do chara. Níl deireadh leis na féidearthachtaí!

Cad é an cluiche liathróide is fearr leat?
Ceisteanna
Le plé:
An Bréagán is Fearr Leat
Bréagáin Fadó