Cá háit a bhfuil tú ag iarraidh dul?
A chairde, ar chuala sibh go bhfuil comórtas ar siúl againn faoi láthair ar Nuacht Anois? Chuir muid in iúl daoibh faoi san alt seo.
Tá Comórtas an Tuairisceora Scoile ar oscailt ó thús mhí Feabhra go dtí an 27ú lá de mhí an Mhárta.
Tugann sin go leor ama daoibh:
➡️ smaoineamh ar ábhar,
➡️ pleanail a dhéanamh,
➡️ alt a scríobh,
➡️ profléamh agus ceartú a dhéanamh air,
➡️ agus é a sheoladh isteach chugainn.
Mar sin de, a chairde, scríobhaigí libh! Táimid ag dúil go mór le bhur dtuairiscí a léamh. Ná déanaigí dearmad go mbeidh duais (nó duaiseanna) ann don tuairisc (nó na tuairiscí) is fearr.
Más maith libh tabhairt faoin chomórtas seo, tá físeán curtha le chéile againn le treoir a thabhairt daoibh. Is físeán é seo a rinne muid le cuidiú ó dhaltaí i nGaelscoil na bhFál, Béal Feirste, ar an bhealach le tuairisc iontach a scríobh.
Seolaigí bhur dtuairiscí isteach chugainn trí ríomhphost: eolas@leighanois.com
(Ba mhaith le Nuacht Anois ár mbuíochas a ghábháil le Seán agus daltaí Rang 6 i nGaelscoil na bhFál a chuidigh go mór linn an obair seo a eiseamláiriú.)
Leathanach baile!
Leathanach baile nuachta
Léigh leabhar
Folláine
Faigh cúnamh
