Cá háit a bhfuil tú ag iarraidh dul?
Tá an pláinéad s’againn faoi bhrú. Chuala muid uilig faoin dóigh a ndéanann dé-ocsaíd charbóin an Domhan a théamh suas. Iarrtar ar dhaoine gan breoslaí mar ghual nó ola a dhó agus fuinneamh in-athnuaite mar ghaoth, cumhacht na gréine nó cumhacht tonnta a úsáid. Ciallaíonn ‘in-athnuaite’ gur tháinig sé ó fhoinsí nádúrtha a thagann ar ais go nádúrtha agus nach n-imíonn as.
Cumhacht na gréine agus cumhacht na gaoithe
Fadhb eile atá ag an phláinéad ná an truailliú a dhéanann plaisteach. Is rud iontach úsáideach é plaisteach agus déanaimid a lán rudaí leis. Mar shampla, bíonn plaisteach i gcuid mhaith de na rudaí a chlúdaíonn bia agus coinníonn sé úr é.
Chomh maith leis sin, úsáidtear plaisteach le cathaoireacha agus táblaí a dhéanamh, le píopaí agus urláir a dhéanamh. An chuid is mó de na bréagáin atá againn, déantar as plaisteach iad agus gach rud leictreonach, bíonn plaisteach istigh ann. Fiú na héadaí a chaithimid, bíonn a lán plaistigh iontu.
Le blianta anois, tá an plaisteach ag dul isteach sa timpeallacht agus tá sé le fáil i ngach cuid den Domhan. An rud a tharlaíonn ná go mbriseann an plaisteach síos go dtí píosaí beaga bídeacha nach dtig linn a fheiceáil agus téann sé isteach sna haibhneacha agus san fharraige. Anois, tá plaisteach ar fáil san uisce a ólaimid, sa bhia a ithimid agus tá sé i gcorp chóir a bheith gach ainmhí atá beo.
Tá Lá Domhanda an Chomhshaoil ann inniu agus is é téama na bliana seo ná ‘Deireadh le Truailliú Plaisteach’. Cé gur fadhb ollmhór í fadhb an phlaistigh, is fadhb í is féidir a réiteach. An chéad chéim ná go gcaithfidh muid teacht ar rogha eile ar phlaisteach. An féidir linn rudaí a dhéanamh as ábhair in-athnuaite, adhmad, mar shampla, a thagann ó na crainn? Rud eile is féidir a dhéanamh ná an plaisteach atá ann cheana féin a athchúrsáil, is é sin, rudaí nua a dhéanamh leis.
Le déanamh:
Amharc thart sa seomra ranga. I ngrúpaí, déanaigí liosta de 10 rud atá déanta de phlaisteach. An féidir libh smaoineamh ar rudaí eile a ghlacfadh áit an phlaistigh?
Luaigh muid athchúrsáil san alt seo. Dear póstaer ag léiriú cé chomh tábhachtach is atá an athchúrsáil don phláinéad.
Daoine ag bailiú plaistigh
Leathanach baile!
Leathanach baile nuachta
Léigh leabhar
Folláine
Faigh cúnamh