LéighAnois

Cúlra an rannáin seo

Tháinig ann don suíomh seo, LéighAnois.com, mar fhreagairt ar an phaindéim a tháinig aniar aduaidh orainn in earrach na bliana 2020. D’aithin an tÁisaonad go raibh tacaíocht faoi léith de dhíth ar léitheoirí óga sna Gaelscoileanna, agus ar a dtuismitheoirí agus múinteoirí, le tacú leis an léitheoireacht Ghaeilge agus daoine ag iarraidh foghlaim sa bhaile.

Ach níorbh é LéighAnois.com an t-aon fhreagairt a bhí ag an Áisaonad ar an iliomad deacrachtaí a chruthaigh an dianghlasáil dár gcuid páistí. Ba i dtrátha an ama seo a d’iarr an tÚdarás Oideachais sa Tuaisceart orainn áiseanna folláine dá gcuid a chur in oiriúint do dhaltaí Gaelscoile. Ó shin i leith, tá muid i ndiaidh bheith ag obair leis an Údarás Oideachais go príomha, agus le corrdhream eile, le háiseanna folláine, meabhairshláinte agus athléimneachta, idir théacs agus leagan amach, a chur in oiriúint do dhaltaí Gaelscoile. Tá nasc chuig na hábhair seo ar fad ar fáil anseo – úsáid na cluaisíní ag barr an leathanaigh le hiad a fhiosrú.

Ar ndóigh, tá réimse de leabhair chlóite ar fáil uainn féin a phléann le gnéithe éagsúla den fholláine – fiosraigh iad ar www.aisaonad.org

An Chéad Chéim Eile

Seo roinnt áiseanna de chuid an Údaráis Oideachais sa tuaisceart a chuidíonn le páistí plé leis an aistriú ó chéim amháin den oideachas go céim eile. Chuir an tÁisaonad iad in oiriúint don Ghaelscolaíocht.

‘Déanamh réidh do Rang 1’

‘An Rang Úr s’Agam’

‘Mo Leabhar Cuimhní’

‘Mo Scoil Úr’

‘An Chéad Chéim Eile’

Cruthaíodh na háiseanna seo in aimsir na ndianghlasálacha, leis an fhilleadh ar scoil a éascú do pháistí. Tá go leor smaointe agus gníomhaíochtaí iontu, áfach, a bheadh úsáideach go fóill – go fiú lena n-úsáid leis an fhilleadh ar scoil a éascú do pháistí áirithe i ndiaidh shaoire an tsamhraidh.

Ar Ais Ar Scoil – leabhrán a chuir Barnardos NI i dtoll a chéile

Ar Ais ar Scoil – leabhrán a d’eisigh an tÚdarás Oideachais le cuidiú le páistí agus iad ag filleadh ar scoil i ndiaidh na dianghlasála

Ar Ais le Chéile – an dara leabhrán de chuid an Údaráis Oideachais a eisíodh i ndiaidh an dara dianghlasáil

Ar ais le Chéile – seó sleamhnán Powerpoint le húsáid sa rang

Cuireann an tÁisaonad nuachtlitir folláine choicisiúil de chuid an Údaráis Oideachais sa tuaisceart in oiriúint do Ghaelscoileanna. Sna nuachtlitreacha seo, dírítear ar ghnéithe éagsúla den fholláine agus bíonn lear mór smaointe agus gníomhaíochtaí molta ann le cuidiú leis an mhúinteoir cúram a dhéanamh d’fholláine an ranga, agus, go mion minic, dá folláine nó dá fholláine féin!